सर्व सामान्यपणे हे सगळ ठीक चाललेलं असताना त्यांच्या मनात काही वेगळाच घोळत होतं. त्यांना त्याच्या कला निर्मीती, छायाचित्रणची ओढ स्वस्थ बसू देत नव्हती. महाविद्यालयीन शिक्षण करत असताना त्यांनी जे जे कला महाविद्यालयातुन ओडिओ व्हिज्युअल मधील प्रशिक्षण आणी छायाचित्रणाची पदविका मिळवली होती. ह्या पात्रतेद्वारे त्यांनी प्रसिद्धी खात्यात बदली करून घेतली. येथे त्यांना त्यांच्या कलाविष्कारास वाव मिळाला. खात्यातील छायाचित्रकारास ते मदत करत असत, आणि ते निवृत्त झाल्यावर मणचेकरांनी ती पुर्ण जबाबदारी स्विकारली. कार्यालयीन बैठका, सभांचे फोटॊ काढणे, एल आय सी च्या “योगक्षेम” ह्या नियतकालीकात मुख व मलपृष्ठासाठी तसेच आतील पानांसाठी छायाचित्रे पुरवणे ही कामे ते करत असत. ह्या कालावधीत त्यांनी उत्तमोत्तम कॅलेंडरांची निर्मीती केली. त्यांच्या रचना कौशल्याने, १९८२ साली “योगक्षेम” ह्या नियतकालीकाला असोसीएशन ओफ बिझीनेस कम्युनिकेशन ओफ इंडीया चा उत्कृष्ट छायाचित्राचा पुरस्कार मिळाला. त्यांच्या मनमिळवू स्वभावाने, प्रसन्न हास्याने, व सोबत्यांशी स्नेहपुर्ण वागण्याने उच्चपदस्थ अधिका-यांसोबत काम करतान त्यांना कधीच कोणती अडचण आली नाही.